ఆ కళ్ళు .

ఆ కళ్ళు బదులడుగుతున్నాయ్
తమను ప్రశ్నగా
మిగిల్చారెందుకని..
ఆకళ్ళు ఆక్రోశిస్తున్నాయ్
ఆకళ్ళ చూపులతో
ఆడుకుంటారెందుకని..
ఆ కళ్ళు మండుతున్నాయ్
చల్లని గుండెకు
చలిమంటవేసేదెందుకని
అయినా
ఆ కళ్ళు కరుణనేచూపుతున్నాయ్
ఆ కళ్ళు
చల్లని ప్రేమను చల్లే
బంగారు తల్లివని.. 

తల్లీ,నెచ్చెలీ .

అమ్మవు నువ్వు
నీ చిట్టి రె మ్మకు కొమ్మవు నువ్వు
అలసినపుడు అక్కునచేర్చుకునే 
ఆధారం నువ్వు .
**************
తల్లివి నీవు
నా బంగరు తల్లివి నీవు
నన్ను లతలా అల్లుకునే
తీవెవి నీవు .
తల్లీ బిడ్డలమైనా
కన్నీళ్ళ కథ ఒక్కటే మాది

వర్ణ.

సప్త వర్ణవు నీవు
సతత హరితవు నీవు
సకల వర్ణ సమ్మిళిత
శ్వేత మేధవు నీవు
జీవ ధాత్రివి నీవు
సహన ధరిత్రివి నీవు
మహిళవు నీవు
మహిలోదేవతవు నీవు

చిరుదీపాలు

ఈ చిన్నారి చిరుదీపాన్ని
చిదిమిందెవ్వరో...
ఈ చిరునవ్వుల్ని,
చీల్చి చెండాడిందెవ్వరో..
పశు ప్రవృత్తితో పట్టపగ్గాల్లేని,
శిశుపాలుర,,
నూరు తప్పులుదాటినా
నోరు మెదపని సమాజం
కళ్ళు తెరిచేదెన్నడో..


తీపి ఓటమి

తన బిడ్డ చేతిలో ఓడిపోయినపుడు కలిగే విజయోత్సాహం ఆ తండ్రికి ఇంకేం సాధించినా దొరకదు .

షహీద్ దివస్.

ఉగ్గు పాలైనా మరవని వయసులో
జీవితాల్ని మాత్రు భూమి కోసం
ఉరికోయ్యల్ని ముద్దాడటానికి
ఉసిగొల్పిన భారతావని
యువ వీర కిశోరాలు
సుఖదేవ్ , భగత్ సింగ్ , రాజ్ గురు .
23 మార్చి ....
అమరవీరుల స్మరణ దినం .

పుత్తడి బొమ్మ

పుత్తడి బొమ్మనే నేను
పూర్ణమ్మను చెయ్యొద్దు నన్ను