దీపావళి

నరకుడింకా చావలేదు.
నరకపు వాసనింకా పోలేదు.
చీకటి చెరల్లో వెలుతురింకా
మ్రగ్గుతూనే ఉంది .
చీకటితో వెలుక్కి
ప్రతినిత్యమూ సమరమే.
ఏ చీకటీ వీడిపోదు,
మనలో అంతః జ్యోతి
వెలిగించకుంటే.
ఏ వెలుగూ దరికిరాదు,
చీకటి నెదిరించకుంటే.
చిరుదివ్వెల నరచేత ధరియించుదామ్
వెలుగురేక లందరికీ పంచుదామ్.
మనలోని నరకుణ్ణి నరికేద్దామ్
తిమిరాన్ని వ్రేళ్ళతోపెరికేద్దామ్

శుభ దీపావళి .
                       జానిపాష
                            23/10/14